ڕۆژا پێنجشەمبی ڕێــککــەڤتی (٢٠٢٥/٧/٢٤) ب سەرپەرشتیا ڕێزدار (پ.د. دیار عبدالکریم سعید) سەرۆکێ زانکۆیا زاخۆ، جڤاتا بلند یا زانکۆیێ سەرەدانا مەكتەبا رێكخستنا پارێزگەها دهـۆكێ کرن و ل بارەگایێ مەكتەبا رێكخستنێ بەرێز ”سەربەست لەزگین” ئەندامێ مەكتەبا سیاسی و بەرپرسێ مەكتەبا رێكخستنا پارتی پێشوازی ل ئەوان کر.
د ڕوینشتنەكێ دا ڕێزدار ”سەربەست لەزگین” سەرەڕایی بخێرهـاتنێ خۆشحالیا خۆ نیشاندا ب سەرەدانا شاندێ زانکۆیا زاخۆ. هەروەسا دبەشەكێ دی دا ڕۆلێ زانكۆیا زاخۆ ژی وەكو ناڤەندەكا زانستی و ئەكادمی بلند نرخاند ژ ئالیێ سەرئێخستنا پرۆسەیا خواندنێ بۆ ئاستێن بلند و گوت ژی زانكۆ ناڤەندەكا زانستی و ئەكادیمیە پێگەهێ وێ یێ جودایە دكومەڵگەهێ دا دگەل هەمی ناڤەندێن دیتر و هەروەسا ڕۆلێ وێ د خزمەتكرنا جڤاكی و بلندكرنا هەستێ نیشتیمانی ب تایبەت د ئەڤان کاودانێن کوردستان تێدا دەرباس دبیت.
هەژیە بێژین؛ جڤاتا زانکۆیێ ژی خۆشحالیا خۆ ب ئەڤێ سەرەدانێ دەربڕی و سوپاسیا ڕێزدار ”سەربەست لەزگین” بەرپرسێ مەکتەبا ڕێکخستنێ کر، بۆ ڤێ پێشوازیا گەرم ل شاندێ زانکۆیا زاخۆ، هەروەسا بەرهەڤیا هەمی ستافێ زانکۆیێ و قوتابیان بۆ هەر کارەک و پێدڤیاتیەکا بشێت خزمەتا جڤاکێ کوردی و کوردستانیان بکەت دەربڕی، سوز دان زانکۆ ب ڕۆلێ خۆ یێ دروست ڕابیت و کار بۆ بلندکرنا هەستێ نەتەوەیی و نیشتیمانی بکەت.
ل دوماهیێ بەرپرسێ مەكتەبا ڕێكخستنا پارێزگەها دهـۆكێ جارەكا دی ژی پشتەڤانیا خۆ دووپاتكر بۆ سەرئێخستنا پروسەیا خاندێ دهـەمی ئاستاندا